get rid of obesity

Motapa Ghatane ke 15 Aasan Tarike

Sabse Aasan aur Kudrati Tarike, jo Motapa Kam Karne me Madat Karen

Toh Doston, aapne humare pichle blog main dekha ke Motapa hota kya hain aur unse kya kya bimaari humain pakad sakta hain. Is lekh main hum jaanege ke Motapa kayse ghataya ja sakta hai aur who bhi asani se, Ji haan Bahut hi asani se hum apni charbi ghatake Motapa kam kar sakte hain.

Motapa ghatana koi Rocket Science hai nahi. Iske liye aapko jo karna hai wo hai Lagan aur thodi si mehnat. Aapko kuch cheeson ko follow karna hoga, aur unpe amal karna hoga. Bas itna hi. Hum jo jo tarkibein aapko batane ja rahe hain woh puri taraf se scientific aur tested methods hain. Inse aapko laabh zaroor milega. Toh dekhein who saare tarkiben aakhir hain kya.

Patle Hone Ka Kudrati Upay

Baari Baari se Khana Khaye

Sunne main yeh to bahut atpata lagega, lekin yeh sach hain. Aapko motapa ghatane ke liye, har do-teen ghanto main khana chahiye. Lekin who khana aisa ho jo aapko wazan khatane me madat kar sake aur aapke hazme ko jaari rakha sake. Baari Baari se khana aapke pet ko full mehsus karwaega aur aapke pachan tantra ko active rakhega. Aapka sharir who calories ko energy ke tarah istemal karegi.

Achchhi Tarah Se Paani Pijiye

Kabhi kabar hume bhookh aur pyass dono ek saath lagte hain. Body main paani ki majudgi humare bhookh ko control main rakhne main madad karta hain. Paani humare body ke andar se bure tatwa ko bahar nikal ne main madad karte hain. Pachan Tantra isse achha rehta hain aur pet bhi saaf rehta hain. Har din hume kam se kam liter paani peena hi chahiye. Aur khana khaane se 20-30 minutes pehle aap paani peeye. Isse aap overeating se bach sakte hain.

Khaane me Protein Zaroori

Protein wali aahar se dinbhar ke saari zaroorat ki taqat milta hain. Isse zaroorat se zyada khana khane ki aadat ghat jata hain. Protein humare muscle ko banata hain ko use jaandaar bhi banata hain. Toh acchi shape wali body ke liye protein bahut hi zaroori hain. Aap khaane main Anda, Machhli, Badam, Murgi ke Chhati, Mushroom, Masoor Dal, Rajma ityadi rakha sakte hain.

Fal Aur Sabzi Khayen

Ji Haan, Aapke khaane main Fal aur Sabzi hona bahut hi zaroori hain. Fal aur Sabzi humare body main zaroorat ki Vitamins aur Minerals dete hain. Sharir ko banaye rakhne main in Vitamins and Minerals ki bhumika bahut zaroori hain. Yeh humare sharir main Charbi ko ghulne main rok dete hain. Jisse Charbi ka badhna kam hota hain.

Fiber wali Aahar

Aapke khaane main Fiber Aahar, khaas karke ghulanshil Fiber hona zaroori hain, aagar aap motapa kam karna chahte ho. Ghulanshil Fiber Aapke khaane se Paani ko sokh leta hain, usse aapka khaane ka movement slow kar dete hain, pet ke andar. Ek shaodh se pata chala hain ke Fiber aapke khaane mein se calories ko kam kar dete hain. Yeh Fiber aapke Pet ke Charbi Ko ghataane main bhi madad karta hain.

Swasth Charbi wali Aahar

Khane main Fat hamesha bure nahi hote hain. Healthy Fat wala khana aapke pet ke jwalan ko ghata dete hain aur sharir main rehen wale koshikao ko swasth rakhata hain. Kaddu ke Beej, Surajmukhi beej aur Mungfali wale makkhan, Nariel Tel, Ghee ityadi aapke khaane main zaroor rakhe.

Khaane ke aadat ko badliye

Humein jab bhookh lagti hain, to hum bahut jaldi khaane lag jaate hain. Aisa khaana sahi nahi hota. Aur isse hum sharir ke andar baayu bhi kheech lete hain. Jisse Dakar lena badh jaata hain. Isse pet si judi kayi dikkaton ka saamna kar padh sakta hain. Dheere khaana haazme ko thik rakhne main madad karte hain.

Ghar main bana Khaana Khaye

Kosish karen ke aap ghar me bana khaana zyada khayen. Isse aap apne pasand ke hisab se Sabzi aur dusre cheez khareed sakte ho, jinko pakake khaane main aapke sharir swasth hi rahenge.

Junk Food khaane se bache

Sunne main to yeh sabko bura lagega, lekin yeh Junk Food ya Bahar Bana hua khaana aap jitne kam khayenge, utni hi aapko fayda hoga. Is tarah ke khaane main zayada Poshan to hota nahi, upar se inme Charbi aur namak zyada hote hain. Yeh sab khaana aapke sharir main kharab Cholesterol ko badhata hain, Dil ko kamzor kar dete hain, Wajan bhi badhta hain aur Umar bhi badhane me madad karta hain.

Tanaao se Bache

Tanaao ek aisi wajah hain jisse mard aur aurat – dono ka wajan badh jata hain. Shayad Ladkiya isse zyada praghabit hote hain. Tanaao ek hormone chhod deta hain jiska naam hain Cortisol. Yeh Hormone Humare sharir main Insulin ke matra ko badha dete hain. Isse aapke khoon main Glucose ke matra ko ghata dete hain jisse bhookh badh jaata hain. Is waqt aapko Meetha aur Laziz Khana Khane ki ichha jaag jaata hain. Toh aisa khaane se aapko toh motapa lag hi jayegi.

Thik Tarah Se Neend

Kam Se Kam daily 7 ghanta sona chahiye. Yeh humare sharir ko changa kar deta hain, Dimag ko fresh kar dete hain aur koshikao ko marammat kar dete hain. Acchi neend na hone ke wajah se dimag me tanaao hona aam baat hai. Isse unhealthy eating ka khatra badh jaata hain. Lekin Babhut zyada sona bhi achha nahi hota.

Paidal Chalne ka Abhyas Kijiye

Paidal Chalna sharir main charbi ko ghataane main kaafi madadgaar hota hain. Aap agar continue 45 minutes tak paidal chalte hain, to aapke sharir main jama hua fat ghatne lagta hain. Aur agar aap thode fast walking kar sakte ho, to kya baat hain. Isse aapke Heart Attcak aur Diabetes ke risk bahut kam ho jayega. Aur Khaana khane ke baad thodi si walking motapa ghatane ke liye wakayi bahut hi madatgar saabit hogi.

Seedi par Chadhna aur Utarna

Yeh to sunne main zaroor achha nahi lagta hain ke, lift ke chalte hum Seedi par Paidal kyu chadhai karen. Lekin yeh aadat aapko aapke charbi ghataane main madat karta hain. Iske liye aapko 4th-5th floor tak chalne ki zaroorat nahi hain. Agar aap 1st flooe se 3rd floor tak chadhna-utarna wala kasrat kar sakte ho, toh isse aapko motape se nijaat jaldi mil sakega.

Ghar ke Bahar khel main dhyan de

Charbi Jwalane ki ek achha upay hain ke aap outdoor game main hissa le, jitna ho sake. Kaamkaji logon ko iska mauka bahut hi kam milta hain. Cricket, Footbal, Badminton jaisi khel iske liye achhe hote hain. Aapko agar waqt mile toh aap koi Dance Class, Yoga Class ya Martial Arts wala class (Kick-Boxing) join kar sakte ho.

Daaru aur Dhumrapaan se bache

Daaru sharir me cheeni ki matra badha dete hain. Yeh Cheeni Fat main tabdil ho jaata hain. To jitna ho sake Alcohol ka sewan kam kare. Aur Dhumrapaan sharir me bahut saari Bishela Tatwa ko jod dete hain. Isse Fat bhi jamta hain, aur Cancer, Constipation ke khatre badh jaate hain.

Aap agar in sab routine ko follow kar sakte ho to aap sirf motape se hi nahi bachoge, balke Bahut saari bimaari se bhi bach jaoge. To Healthy raho aur Swasth Jio.

1 thought on “Motapa Ghatane ke 15 Aasan Tarike”

  1. Hello there,

    My name is Aly. Would you have any interest to have your website here at upahaar.in promoted as a resource on our blog alychidesign.com ?

    We are in the currently updating our do-follow broken link resources to include current and up to date resources for our readers.

    If you may be interested please in being included as a resource on our blog, please let me know.

    Thanks,
    Aly

Leave a Comment

Your email address will not be published. Required fields are marked *