healthy and fit

Swasth aur Fit Rehne Ka Aasan Tarika

Kuch Aasan Tarike Swasth aur Fit Rehne Ke Liye

Doston, Toh aajke Zaroori Jaankari main Hum dekhenge ke aap kaise Sehatmand reh sakte ho, woh bhi asaani se. Ji haan, Isme hum aise kuch tarkiben batayenge jisse aap bilkul sehatmand rahoge, agar bahut alsi bhi hue to bhi. Isme aapko koi bahut mushakkat karnewali vyaayaam karne ke bhi awashwakta nahi hogi.

Asal main hum log jo har din karte hain, who saare ek tarah ka vyaayaam hote hain. Jaise roz apni Daant saaf karna, Khana Khaana, Chalna-Firna, Sona ityadi. Aur inme hi chhupe hue hain sehatmand rehne ke saare raaz. Lekin ab se aap yeh saare kaam jab bhi karenge, bas thodi si dhyan dijiega.

Sehat Ko Chahiye Sakaratmak Sonch

Stay Positive

Sakaaraatmak Sonch Rakhe aur Mazaa kijiye : Achchhi Manasikta har insaan ke zindagi main bahut zaroori hain. Uske liye aap ko aisi kisi kaam se judna hoga, jo aapko achchha lage. Yeh sunne main achchha lagta hain, lekin zyadatar log kar nahi pate hain. Kyunke hamari Zindagi me jo Deyata aur Kartavya hote hain, uske chalte hum log aisa kar nahi paate hain. Isliye aap kuch cheeson ka dhyaan rakkhe.

Apne aap ke upar Biswas rakhe. Yeh zaroori hain positive rehne ke liye. Kabhi bhi khud ko kamzor mat samjhiye. Kyun ke aap jo bhi ab hain, ab tak jo safar aap Zindagi main tay kiye hai, who kaabile tariff hain. Khudka taarif karna sikhiye, khud se pyaar karna jaaniye. Aap agar khud se pyaar nahi kar sakte, to is duniya main koi aap se pyaar nahi kar sakta. Aur jo khud se pyaar nahi kar sakta, woh dusre ko kaise pyaar karega.

Aatmaviswas aur Atma-Niyantran Bahut Hi Zaroori Hain

Apne aap ko Niyantran main rakhne ka kosish karna seekhe. Sabse achchha rahega apne bhabnao ko kabu me rakh paana. Hamaare sabke zindagi main parishani hain, Aur jo bhi hota hain use hum to kaabu nahi kar sakte, lekin khud ko kaabu main rakh ke hum, bahut kuch kaabu kar sakte hain.

Hum kuch karne se pehle hamesha yehin sonch ke pareshan rehte hain, ke log kya kahenge. Us khayal main hum khud ko bhi bhool jaate hain, khud ki mahattv hum kho dete hain. Aisa karke hum log Sakaaraatmak Sonch se kayi meel door chale jaate hain. To, Aaj se aisa karna bandh kar dijiye. Koyi bhi Aap ko aap se zyada jaan nahi sakta, Toh kisiki bhi vaastavikata ko khud ke upan thopne ki kosish mat karein. To koyi agar aap ko kuch bhi samjhe, aap khud ko bhi us tarah se mat samajhiye.

Khud ko kisise bhi tulana mat kijiye. Ho sakta hain, aapki Zindagi utna Saral aur behtar nahin hain, jitna aapne asha kiya hoga. Aap ki Zindagi aap ke liye Unique hain, dusre kisi ke liye shayad nahi. Us Uinque Zindagi ko Unique tarah se jiye.

Yeh saare Sakaaraatmak ravaiya aapke Dil aur Dimaag ko achchha rakhega. Aur Swasth Dil aur Dimaag ke bina Sharir swasth kaise Reh Sakta Hain.

Choti Choti Badlao Behtar Zindagi Ke Liye

Chhoti Chhoti Badlao aapk ke Zindagi ko aur behtar aur Swasth bana sakte hain. Jaise agar aap Bazaar ya Doston ke ghar apne Bike ya kisi aur Yaan se jaate ho, toh aap thodi si aadat badal kar Paidal chale jaiye. Kuch door bus se safar Karne se achchha hain ke apne pairon ka istemaal karein. Kabhi kabaar Lift ya Escalator ka istemaal na karke apne pairon ka istemaal karein.

Paidal chalne ki abhyas aap ke body ke liye bahut faydemand hain. Hamare Motapa Kam Karne wala blog main humne bataya hain ke continue 45 minutes ke Walking se aap ke sharir main jama hua charbi ghatne lagega. Aap minimum 20 minutes tak walking karein. In sab aadat se apka Heart achchhi tarah se pump karega; body main blood circulation badhega; aapka sharir se atirikt calories burn hoga.

Jee Bhar ke Saans Le

Sab log jaante hain ke hamare pass do-do phephada hote hain. Lekin kya hum log inka sahin tarah se istemaal karte hain – bilkul nahi. Hum log bas thodi si sans lete hain aur chhod dete hain. Bas thodi si dhyaan dekar dekhiye, aapko pata chal jayega. Isliye hum logon kaa Phephada sahi se istemaal nahin hota hain. Aur uska pura taakat ghat jaata hain. Hum log jitna sahi tarah se saans lenge, utna hi zyaada Oxygen wala air sharir ke andar jayega, aur waisa carbon-Di-oxide andar se nikal ke ayeg. Aisa karne se, hum aur zyada sehatmand reh sakenge.

Swasth Khana Khaye

Har din Aap kamaskam 3 baar khaaye, aur who bhi swasth khana. In me Fal au Sabzi (Vitamins aur Minerals ke liye), Protein Wali Aahar (Anda, Murgi ke Chhati, Doodh aur usse jude hue Khaana) aur Fiber wala Aaahar saamil karein. Har din kamaskam 3 liter paani peeye. Junk Food ya Baahri khaana jitna ho sake kam khaaye. Aur 7-9 ghanta Sone ki kosish karein.

Weekend aur Chhuttiyon ka Achchha Istemaal Karen

Saptaahaant ka istemaal aap outdoor game jaise Cricket, Football, Swimming ityadi main lagaaye. Agar Samundar kinaare ghumne jaa rahe ho, toh Tairne ka anand zaroor uthaaye. Pahari elake main jaa rahe ho to Hiking ka maza le. Junglee area main toh paidal chalne main zaroor maza ayega (Junglee Jaanwar ka dar na ho toh).

10 ka Formula

Jab bhi aap ghar me padhe padhe bor ho rahe ho, toh 10 Push Ups aur Uthak Baithak kar le. Yeh koi zyada toh nahi hain. Lekin Kuch na karne se achchha hain ke kuch toh karein. Pehle yeh aapko kasht dega, lekin kuch din baad aisa karna aapko normal lagne lagega. Aur fir aap inko badha bhi sakte ho, kisne roka hain!

Khade Hoke Rehne ka Aadat

Baith ne se khade hoke rehne me zyaada calories ki khapat hoti hain, jo ke achchhi baat hain. Kaam kaaj main har ghante apne kursi chhod kar thoda uthiye, idhar udhar jaiye. Bus main agar baithe hue ho, toh kisi Buzurg ko aapni seat chhod de aur kuch der khadi rahen. Isse aapko zaroor achchha lagega, dusre log kya sonchenge uski parwah kaun karta hain?

Koyi Pasandida Vyayaam

Aakhir me hum kahenge iske barame. Vyaayaam sabse achchha madhyam hain fit rehne ke liye. Lekin aisa Excercise aap chuniye jo aap pasand karte ho. Muscle bananeka shaukh ho toh Jim join kijiye. Dance karna pasand ho toh Dance yaj Aerobics class join kijiye. Tairna agar nahin aata toh, weekend Swimming class join karein. Martial Arts ya Kick Boxing bhi ek bahut hi achchha upay hain fit rehne ka. Isse aapko Atmaraksha ke upay bhi mil jayenge aur Atmaviswas bhi. Khaas karke Ladkiyon ko toh main salah dunga aisa class join karne ke liye.

Toh yeh sab raha aapke Swasth bane rehne ka Chhota-Mota upay. Yeh sab upay aapke zindagi aur sharir ko behtar banane main zaroor madat karega. Agar aap janna chahte ho ke ghar main reh ke kaun kaun sa Vyaayaam ya Yoga karke aap Sehatmand aur Patla ho sakte ho, toh aage humara yeh blog zaroor padhe.

Leave a Comment

Your email address will not be published. Required fields are marked *